अनुभाग की रूपरेखा

  • వార్షిక పథకం గురించి ప్రాథమిక భావనలను గుర్తుకు చేసుకుందాం

    "వార్షిక పథకం" అంటే ఏదైనా సంస్థ, కార్యాలయం, పాఠశాల, లేదా ప్రభుత్వ విభాగం ఒక సంవత్సర కాలానికి అనుసరించబోయే పని ప్రణాళిక.

    ఒక తరగతికి ఒక సంవత్సరంలో బోధించవలసిన గణిత పాఠ్య ప్రణాళికను అందుబాటులో ఉండే బోధనా సమయం దృష్ట్యా కొన్ని పాఠ్య విభాగాలుగా విభజించి ప్రతి పాఠ్య విభాగ బోధనకు పట్టే సమయం, తద్వారా సాధించాల్సిన లక్ష్యాలను సూచించే క్రమమే వార్షిక పథకం అంటారు. దీన్ని విద్యా సంవత్సరం ప్రారంభంలోనే తయారు చేయాలి. జూన్ నెల నుంచి ఏప్రిల్ చివరి దాకా అనగా ఒక విద్యాసంవత్సర కాలంలో జరిగే విద్యా బోధనా కార్యక్రమం వార్షిక పథకం, ప్రతి సబ్జెక్టులో ఒక విద్యా సంవత్సర కాలంలో ఒక తరగతికి బోధించాల్సిన విషయాన్ని, సాధించాల్సిన లక్ష్యాలను దృష్టిలో ఉంచుకొని రూపొందించిన పథకమే వార్షిక పథకం.