సూక్ష్మబోధన - ప్రాముఖ్యత - లక్షణాలు
1. సూక్ష్మబోధన - అర్థం
సూక్ష్మబోధన - భావన, అర్థం
"నియంత్రిత పరిస్థితులలో ఒక బోధనా ప్రవర్తన మీద కేంద్రీకరించటానికి నియంత్రించబడే బోధనా విధానమే సూక్ష్మబోధన " ఎలెన్. ఈవ్.
"సూక్ష్మబోధన ఒక ఉపాధ్యాయ శిక్షణా ప్రక్రియ. ఇది బోధనాభ్యాసాన్ని ఒక నైపుణ్యానికి పరిమితం చేసి, తరగతి కాలాన్ని తరగతి పరిమాణానికి తగ్గించటం ద్వారా బోధనా పరిస్థితిని సరళమైన ఎక్కువ నియంత్రణ చేయబడిన వ్యూహంగా తగ్గిస్తుంది"
"స్పష్టంగా నిర్వచింపబడిన బోధనా నైపుణ్యాలను, జాగ్రత్తగా తయారు చేయబడిన పాఠ్యాంశాలకు అన్వయించి, చిన్న సమూహ విద్యార్థులకు నాలుగైదు నిముషాలలో బోధించి దాని ఫలితాలను వీడియోటేపు ద్వారా చూసుకోవడానికి అవకాశమున్న సాంకేతిక పరంగా నిర్వహించే ప్రక్రియ సూక్ష్మబోధన” - రాబర్ట్ బుష్
"సూక్ష్మబోధన అనేది ఒక శిక్షణా సాంకేతిక విధానం. ఇందులో స్వల్పకాల వ్యవధిలో, స్వల్ప సంఖ్యలో గల విద్యార్థులకు నిర్దుష్టమైన బోధనా నైపుణ్యాన్ని ఉపయోగించి ఒకే ఒక భావనను ఉపాధ్యాయ విద్యార్థి బోధిస్తాడు" - బి.కె. పాసి, యం.ఎస్. లలిత